Бишкекте жеке клиникада сакал эктирүү үчүн операция жасатып жаткан маалда 30 жаштагы хирург-флеболог Элдос Турсунбеков күтүүсүз каза болгон. Окуядан 15-20 күн өткөндөн кийин маркумдун жакындары SEREPTV телеканалына кайрылып, “Уулумдун өлүмүнө себепкер болгон хирургдарды Алланын ыраазычылыгы үчүн кечирдик. Дагы бир үй-бүлөнүн баласы тирүүлөй жетим калбасын” дешти.
«Ар бир эле дарыгер бейтабын өлтүрөйүн дебейт. Мен аны түшүнүп жатам. Мен дарыгерлер сактап калганга аракет кылышты деп ойлойм. Элдостун ата-энесин сыйлайм. Мага балким оор болуп тургандыр, бирок чындыкты кабыл алуу керек. Хирургдардын балдарын, жубайын ойлодум. Анткени менин да балам бар. Мен да азыр балам үчүн гана жашап жатам. Адамгерчилигим жок болсо, акырына чейин бармакмын. Ата-энем айткандай, эле мага да эч нерсесинин кереги жок. Мен ала турган болсом, жолдошумду саткандай болуп калам. Мага эч нерсе керек эмес»,- деди жубайы.
