Билим берүү жана илим министринин орун басары Нурлан Өмүров АКИpress агенттигине берген маегинде студенттердин контракттарынын суммасында өзгөрүүлөр болобу же жокпу айтып берди.
Анын айтымында, окуу акысын ар бир билим берүү мекемеси — кесиптик лицей, колледж же университет өзү аныктайт. «Ошол эле учурда, алар өздөрү студент менен билим берүү кызматтарын көрсөтүү боюнча келишим түзүшөт жана бул келишимдин алкагында бааны белгилөө билим берүү мекемесинин өзүнө гана таандык. Жогорку окуу жайлары боюнча биз минималдуу чекти белгиледик — билимдин баасы 26 миң 350 сомдон кем болбошу керек. Буга жараша ар бир университет, колледж чыгымдарды өзү аныктайт», — деп түшүндүрдү ал.
Ал белгилегендей, Билим берүү министрлиги келишимдин баасына таасир эте албайт, анткени бул фонддордун ар бир университети окуу процессин уюштурат, тиешелүү жабдууларды сатып алат жана башка.