“2023-2024-окуу жылына башталгыч кесиптик билим берүү мекемелерине кабыл алууну уюштуруу жөнүндө” буйрук чыкты. Бул тууралуу Билим берүү министрлигинен маалымдашты.
Буйрукка ылайык, 2023-2024-окуу жылына кесиптик лицейлерге кабыл алуу 3-июлдан 30-августка чейин онлайн режимде жүргүзүлөт. Кабыл алуу билими жөнүндөгү документтин орточо баллынын негизинде болот. Кыргыз Республикасынын башталгыч кесиптик билим берүү мекемелерине окуучуларды кабыл алуу, которуу жана окуудан чыгаруу эрежелерине ылайык, жалпы орто билимге жана жалпы негизги билимге ээ мектеп бүтүрүүчүлөрү кабыл алынат.
