Кыргызстанда күйөөсүнөн физикалык зомбулукка кабылган аялга жардам берүүнүн бир нече жолу бар. Тез жардам жана кеңеш ала турган 112 ишеним телефондору бар. Бул тууралуу маалыматты Юстиция министрлигинен билдиришти.
Милицияга кабарлоо:Өмүргө жана ден-соолукка дароо коркунуч жаралган учурда 102 телефону боюнча милицияга кабарлаңыз. Милиция арызды кабыл алууга жана жабырлануучуну коргоо үчүн зарыл чараларды көрүүгө милдеттүү.
Кризистик борборлор жана баш калкалоочу жайларга кайрылыңыз:Кыргызстанда зомбулукка кабылган аялдар үчүн кризистик борборлор жана баш калкалоочу жайлар бар. Аларга убактылуу баш калкалоочу жай, психологиялык жана юридикалык жардам көрсөтүлөт. Республика боюнча кризистик борборлордун тизмеси видеонун астында, комментарий жакта белгиленет.
Юридикалык жардам:Сиздин укуктарыңыз менен кызыкчылыктарыңызды коргоо үчүн Юридикалык жардам кызматына юридикалык кеңеш алуу учун кайрылсаныздар болот. Адвокаттар милицияга арыз түзүүгө жардам бере алышат, ошондой эле сотто жабырлануучунун кызыкчылыктарын коргой алышат.
Эгер сиз же сиз билген бирөө жардамга муктаж болсо, жогоруда саналып өткөн уюмдар жана кызматтар менен байланышуудан тартынбаңыз. Жардам бар экенин жана жабырлануучулар коргоого жана колдоого укуктуу экенин эстен чыгарбоо маанилүү.
