Кыргызстанда кыздар көп билим алышат, бирок эркектерге караганда аз айлык алышат. Бул тууралуу статистикалык комитеттен маалымдашты.
Кыздар балдага караганда узак билим алышат, ал эми балдар эрте адистикке ээ болушат. 10-11-класстарда окугандардын 54 пайызын кыздар түзөт, ошол эле учурда эркек балдар 9-класстан кийин эле эрте жашта адистикке ээ болуу үчүн кесиптик окуу жайларга тапшырат, ал жакта уландар 69 пайызды түзөт. Жумушсуздук эркектерге караганда аялдар арасында жогору. Ошондой эле жетекчилик кызматтарда аялдардын саны аз, бирок адистердин арасында алар көп. Аялдар эркектерге салыштырмалуу маянаны да аз алышат. 2021-жылы эркектерге караганда аялдар орточо 5 миң 475 сомго аз айлык алышкан. Бирок аймактык деңгээлде көрсөткүч ар түрдүү. Алсак, Нарын облусунда аялдар эркектер сыяктуу эле акча табат, ал эми Талас облусунда эркек тапкандын жарымын гана аял табат.
