Өлкөдө аялдар жана эркектер тең санда, бирок аялдар 8 жылга көбүрөөк жашашат. Бул тууралуу Статистикалык комитеттен билдиришти.
2022-жылдын 1-январына карата Кыргызстанда 6,8 миллион адам жашайт, алардын 50,4 пайызын аялдар түзөт. Жыл сайын кыздарга караганда балдар көп төрөлөт, тагыраагы 100 кызга 105 бала жарыкка келет. Аялдардын саны алар 40 жашка толгондон кийин эркектерге караганда көптүк кылып баштайт жана 80 жаштан өткөндө эркектердин санына салыштырмалуу эки эсеге көптүк кылып калат. 2020-жылы аялдардын өмүрүнүн узактыгы орточо 76 жашты түзсө, эркектердики 68 жашты түзгөн.
