Кыргызстандын Өзбекстандагы элчилигинин имаратындагы добуш берүү тилкеси ачылды
"Кыргыз Республикасынын Конституциясы жөнүндө" мыйзам долбоору боюнча референдумдун алкагында саат 08:00дө Кыргызстандын Өзбекстандагы элчилигиндеги No9025 шайлоо тилкесинде добуш берүү башталды.
Элчиликтен билдиришкендей, шайлоо тилкеси саат 20:00гө чейин иштейт. Ташкент шаарындагы шайлоо тилкесиндеги шайлоочулардын тизмесинде 2450 кыргызстандык бар.
