«Манас» эл аралык аэропорту ПЦР-тест тапшырууну талап кылууда деген маалымат чындыкка дал келбейт. Бул тууралуу аталган мекеменин басма сөз кызматынан билдиришти.
«ПЦР-тестти талап кылуу биздин эмес, сиздер бара турган өлкөлөрдүн талаптары. Андыктан авиабилеттерди сатып алууда же Кыргызстандан бара турган өлкөнүн элчилигинде ПЦР-тести тууралуу маалыматты тактап билип алууңуздарды суранабыз. Мисалга алсак, Кыргызстанга келгендер үчүн бардык талаптар жокко чыгарылган. Өзбекстан, Казакстан жана Түркия да ушул жылдын июнь айында ПЦР-тестинин же эмдөө сертификатынын милдеттүү түрдө болушун жокко чыгарышкан. Бирок Орусия, БАЭ, Индия бул талаптарды жокко чыгарган жок. Андыктан Кыргызстандын аэропортторунда аталган өлкөлөргө учууга катталууда авиакомпаниянын өкүлдөрү ПЦР-тестин же эмдөө сертификатын талап кылышат», — деп айтылат маалыматта.
