Журналист Семетей Аманбеков УКМКнын камерасында өз жанын кыйган делген «Айыл Банктын» насыяларды тескөө бөлүмүнүн мурдагы башчысы Бакыт Асанбаевдин жактоочусу Нур Кылычбаевадан маек алган. Маекте жактоочу Бакыт Асанбаев менен 3 күн мурун көрүшкөнүн, анын өмүрүнө кол салчу түрү жок болгонун айткан.
«Бакыт Асанбаевде өз өмүрүн кыюу тууралуу ою жок болчу. Мен 3 күн мурун, 14-июнда жолуккам. Тескерисинче, ал абдан духу көтөрүлүп, сотто өзүн актаганга жетиштүү юридикалык маалымат алдым деп сүйүнүп жаткан. Анын асынганын угуп нес болдум. Анын артында 4 жашы жете элек баласы калды», — деген жактоочу.