Орусиядан ИИМдин жашы жете электердин арасындагы укук бузуулардын алдын алуу борборуна 5 өспүрүм жеткирилди. Бул тууралуу ИИМден билдиришти.
Жакында эле ИИМдин Коомдук коопсуздук кызматына башка мамлекеттин аймагында ата-энесинин же мыйзамдуу өкүлдөрүнүн кароосуз калган 5 өспүрүм жеткирилген. Кызматкерлер «Манас» аэропортуна барып, Москва – Бишкек каттамы менен келген өспүрүмдөрдү тосуп алышкан. Алардын баары Орусиянын жашы жете элек өспүрүмдөрдүн убактылуу кармоочу жайында болушкан. Өспүрүмдөр Орусиянын аймагында ата-энесинин же мыйзамдуу өкүлдөрүнүн кароосу жок калган.
Кайтарып берилгендер үй-бүлөдө жашоо жана тарбия шарттарын аныктоо боюнча иштер жүргүзүлүп, башка мамлекеттин аймагында болуу себептери такталды. Алдын алуу жана тарбиялоо иштери жүргүзүлгөндөн кийин балдар алардын жакын туугандарына өткөрүп берилет.
