Президент Садыр Жапаров кечээ, 10-июнда баш калаанын Дөлөн Өмүрзаков атындагы стадионунда өткөн Кыргыз Республикасы менен Ооганстандын улуттук курамаларынын футболдук беттешине барды. Беттеш Борбор Азия футбол ассоциациясынын (CAFA) бүгүн башталган биринчи эл аралык турниринин алкагында өтүүдө.
Турнирдин беттештери 10-20-июнь күндөрү Ташкент менен Бишкекте Кыргызстан, Өзбекстан, Ооганстан, Иран, Оман, Тажикстан жана Түркмөнстандын Улуттук курама командаларынын ортосунда өтөт. Кыргызстандын футбол боюнча курама командасы Ооганстандын курама командасын 1:0 эсеби менен утуп алды.
