Жеринде координациялоо иштерин жүргүзүү менен өзгөчө кырдаалдар министринин орун басары, Ош облустук башкармалыгынан ыкчам топ, министрликке караштуу мониторинг жүргүзүү департаментинен кызматкерлер иш алып барууда. Селдин кесепетинен Терек айылында 1 турак үйдүн ичине, 12 үйдүн короо-сарайларын, Алтын-Кен тилкесинде 2 турак үйдүн короо сарайын кум шагылга толтурган. Сопу-Коргон айылы менен Терек айылдарын байланыштырып турган ички чарбалык жолдун 7 чакырымынын аралыгында 3 тилкеде сел калдыктары жолду жаап каттам үзүлгөн, 1 электр мамычасын сел агызып кеткен, адам өмүрүнө зыян келген эмес.
Учурда жеринде 42 куткаруучу, 1 жүктөгүч, 1 грейдер, 1 бульдозер тазалоо иштерин жүргүзүүдө. Тартылган техниканын жардамында Сопу-Коргон — Терек унаа жолу сел калдыктарынан тазаланып бир тараптуу ачылып кеңейтүү иштери жүрүүдө.
