Кечээ, 15-ноябрда Жогорку Кеңештин төрагасы Нурланбек Шакиевдин Жалал-Абад облусунун Аксы районундагы иш сапары башталды. Алгач ал Аксы районунун Үч-Коргон айыл аймагын аралап өткөн Кербен-Үч-Коргон-ГЭС автоунаа жолунун абалы менен таанышты.
Андан тышкары, өлкөдө жасалып жаткан реформаларга токтолуп: “Азыркы тапта Аксы районундагы Кум айылында 120 орунду бала бакчанын курулушу башталса, Жар-Башы айылында 250 орундуу мектептин имараты салынууда”, – деди төрага. Жолугушуу суроо-жооп иретинде уланып, жергиликтүү аксакал айылдагы таза суу маселесин чечүүгө көмөктөшүүнү өтүндү. Төрага Бишкек шаарына кайтары менен аталган маселе боюнча тиешелүү мекемелерге тапшырма берерин айтып: “Элдин саламаттыгы ичкен таза суусунан түздөн-түз көз каранды. Андыктан, бул маселе сөзсүз чечилиши керек. Буйруса бир-эки жыл аралыгында бул айыл аймагын таза суу менен толук камсыздайбыз”, – деп кошумчалады.
