Тажикстандын бийлиги 28-29-30-апрель күндөрү кыргыз-тажик чек арасында болгон куралдуу жаңжалда көз жумган жарандарынын расмий санын жарыялады. Бул тууралуу тажик басылмаларынын бир жазып чыкты.
Согдий облусунун басма сөз кызматы тараткан маалыматка ылайык, кагылышта 19 адам каза болуп, 87 киши жарадар болгон. Ошондой эле жергиликтүү бийлик набыт болгондордун үй-бүлөлөрүнө жалпы суммасы 700 миң сомони же 5 миллион 200 миң сомдук материалдык жардам көрсөтүлгөнүн билдирди. Жалпысынан өкмөт каза тапкандардын жана жарадарлардын жакындарына жардам катары 3 миллион сомони бөлгөн.
Белгилей кетсек 28-30-апрелде жана 1-майда кыргыз-тажик чек арасында болгон куралдуу жаңжалда 36 кыргызстандык курман болуп, 180ден ашууну жараат алды.
