Төө-Ашуудагы тоннелдин жолуна асфальт төшөө иштерине байланыштуу жол 10 сааттан ашык жабылат. Бул тууралуу Транспорт министрлигинен билдиришти.
Апта ичинде Төө-Ашуудагы тоннелдин жолуна асфальт төшөө иштери башталат. Буга байланыштуу 26-июлдан баштап 6-августка чейин бардык унаалар үчүн каттам чектелет.
Сосновка өткөрүү пункту тарабынан:
Оор жүк ташуучу унаалар үчүн: түнкү саат 03:00дөн баштап 16:00гө чейин,
Жеңил унаалар үчүн: эртең мененки саат 06:00дөн баштап 16:00гө чейин жабылат.
Ал эми борбор калааны көздөй — Бишкек-Ош унаа жолунун 144-чакырымынан (Суусамыр өрөөнү):
Оор жүк ташуучу унаалар үчүн: эртең мененки саат 05:00дөн баштап 16:00гө чейин,
Жеңил унаалар үчүн: эртең мененки саат 06:00дөн баштап 16:00гө чейин жабык болот.
