УКМК: "Тажик тарап Кыргызстандын аймагын басып алууга аракет кылып жатат"
Ок атууну токтотуу аракетине карабастан, тажик тарап жаңжал жүрүп жаткан аймакка оор аскердик техникасын алып келүүнү улантып, Кыргызстандын аймагын басып алуу аракетинде аткылоо үчүн бардык арсеналын колдонуп жатат. Бул тууралуу УКМКдан маалымат таратышты.
"Бардык периметрлер боюнча куралдуу кагылышуу жүрүүдө. Чек арачылар Тажикстандын согуштук агрессиясынын мизин кайтарып жатат",- деп айтылат маалыматта.
