Улуттук статистикалык комитеттин 2018-2019-жылдардагы ишмердүүлүгүнө жүргүзүлгөн аудиттик текшерүүнү жыйынтыгы боюнча, 12 миллион 744,6 миң сомдук бюджеттик жоготуулар аныкталды. Бул тууралуу Эсептөө палатасынан кабарлашты.
Бул сумма эмгек акыны төлөөдөгү мыйзам бузуулар деп бааланып жатат. Анын ичинде эмгек акы фондусунан 3 млн 544,3 миң сом министрликтердин, ведомстволордун жана башка мамлекеттик органдарга өкмөттүн токтомунун тиркемесин сактабастан төлөнгөн. Дагы 7 миллион 449,6 миң сом зыянкеч жана кооптуу эмгек шарттары менен иштегендиги үчүн кошумча төлөмдөрдү белгилөө тартиби жөнүндө министрлер кабинетинин токтомунун шарттарын сактабастан, зыяндуу эмгек шарттары үчүн төлөнгөн. Улуттук статистикалык комитеттин башкы эсептөө борборунда 1 миллион 750,7 миң сом суммасында кошумча төлөмдөр убакыт таблицасын жана аткарылган жумуштардын көлөмүн түзбөстөн жүргүзүлгөн.
«Текшерүүнүн жыйынтыгында отчет Жогорку Кеңешке, өкмөткө жана президенттин аппаратына жөнөтүлдү»,- деп айтылат маалыматта.
