Британиялык турист Гарри Шиммин Кыргызстандын тоолорундагы мөңгүнүн ээрип, кулашына күбө болгонун жана бул жаратылыш кубулушун кантип видеого тартып алганын айтып берди. Бул тууралуу «ЭКО» жазып чыкты.
«9 британиялык жана 1 америкалык Кыргызстандын Тянь-Шань тоолорунда экскурсияда жүргөнбүз. Жөө жүрүштүн эң бийик жерине жаңы эле жеткенбиз, чокудан сүрөткө түшүү үчүн топтон алыстап кеткем. Аскада сүрөткө түшүп жатып, артымдан муздун жарылып кеткен үндөрү угулду. Мына ушул жерден мен видео тарта баштадым. Мен ал жерде бир нече мүнөттөн бери жүргөндүктөн, жашынууга жер бар экенин байкадым. Мен жардын четинде болгондуктан көчкүнү көздөй качуу жолу бар болчу. Ошон үчүн кыймылдаган жокмун. Ооба, мен видеону акыркы секундага чейин тарттым. Мен чоң тобокелге барганымды жакшы түшүнөм. Качан гана менин үстүмө муздун бөлүкчөлөрү түшкөндө аба жетпей баштады. Ошондо өлүп калышым мүмкүн экенин ойлодум. Бирок бүткөндө адреналин алдым. Жанымдагылар менден алыс болгондуктан аларды коопсуз жерде деп ойлодум. Аларга барганымда бирөөсү тизесинен жаракат алганын билдим. Ал эми дагы бирөө аттан кулап, жаракат алыптыр. Экөө тең жакынкы медициналык мекемеге жеткирилди»,— деди ал.
