Салык кызматынын кызматкерлеринин тобу жеке кызыкчылыгын көздөп, чарба жүргүзүүчү субъекттердин өкүлдөрү менен жең учунан сүйлөшүп алып, салыктын суммасын атайылап азайткандыгы, 100 миллион сомдон ашык салык төлөөчүлөрдү текшерүүнүн жыйынтыгы боюнча төлөнүүгө тийиш болгондугу Улуттук коопсуздук мамлекеттик комитетинин назарына түшкөн. Бул тууралуу УКМКдан маалымдашты.
Келип түшкөн материалдардын негизинде Кылмыш-жаза кодексинин 336-беренесинин 1-бөлүмү (коррупция) менен кылмыш иши козголуп, анын алкагында Салык кызматынын 10 инспектору камакка алынган, аларга тиешелүү айып тагылып, сот тарабынан камакка алуу түрүндөгү баш коргоо чарасы тандалган. Учурда бул кылмышты жасоого тиешеси бар бардык адамдарды жана мамлекетке келтирилген так зыянды аныктоо боюнча зарыл болгон тергөө-ыкчам иш-чаралары жүргүзүлүүдө.
