Сокулук районунда бир нече уурулукка шектелген топ кармалды. Бул тууралуу Чүй ОИИБден билдиришти.
Сокулук районунун Кожомкул айылынын тургундары райондук ички иштер бөлүмүнө кайрылып, белгисиз адамдар тарабынан үйдөгү акча каражаттар, зер буюмдар жана башка мүлктөр уурдалгандыгына байланыштуу чара көрүүнү билдиришкен. Айыл тургундарынын кайрылуулары райондук ички иштер бөлүмүнө катталып, Кылмыш-жаза кодексинин 205-беренесинин (уурулук) негизинде кылмыш иши козголгон.
Милиция кызматкерлери тарабынан жүргүзүлгөн ыкчам-иликтөө иштеринин жүрүшүндө жогорудагы бир нече уурулукка шектүү адамдар аныкталып, 2005, 2000 жана 2004-жылы туулган жарандар кармалып, камакка алынган. Ошондой эле райондук сот тарабынан аларга карата камакка алуу түрүндөгү баш коргоо чарасы тандалган.
Тергөө амалдарынын жүрүшүндө жогорудагы адамдар тарабынан 6 уурулук фактысына тиешеси бар экени аныкталып, далил буюмдар алынган. Учурда шектүүлөрдүн Чүй облусунун жана Бишкек шаарынын аймагында ушул сыяктуу кылмыштарга тиешеси бар экендиги текшерүүгө алынып, тергөө иштери уланууда.
Посмотреть эту публикацию в Instagram
