Нарын облустук бириккен ооруканасынын травматология жана ортопедия бөлүмүнүн башчысы пара алып жаткан жеринен кармалды. Бул тууралуу УКМКдан билдиришти.
УКМК саламаттыкты сактоо системасындагы коррупциялык иштерди аныктоо жана бөгөт коюуга багытталган ыкчам иш-чараларын уюштуруунун натыйжасында козголгон кылмыш ишинин алкагында Нарын облустук бириккен ооруканасынын травматология жана ортопедия бөлүмүнүн башчысы пара талап кылып жаткан жеринен кармалды.
Кармалган жаран Нарын облусунун Ак-Кудук айылынын тургунунун атасына жасалган операция үчүн 90 миң сом талап кылган. Соттун чечими менен дарыгер камакка алынды.
