Москвада сабалган 10 жаштагы кыргызстандык кыздын Орусиядагы алыс туугандары ИИМдин Орусиядагы өкүлчүлүгүндө суракка алынышты. Бул тууралуу ИИМден билдиришти.
Анын жүрүшүндө кыздын ата-энеси Ош облусунун Өзгөн районунда жашары маалым болуп, аны 2021-жылдын октябрь айында эле Орусияга бала кароо үчүн жөнөтүлгөнү маалым болгон. Кыз 4-класста окушу керек болчу, бирок билим албай калган. Маалыматка караганда, кыздын ата-энесине болжолдуу 8 миң рубль алып турушкан. Учурда Орусиянын укук коргоо органдары окуяга юридикалык баа берүү үчүн алдын ала текшерүү иштерин жүргүзүп жатат. Кылмыш ишин козгоо маселеси чечилүүдө. Июнь айында он жашар кызды үйүнө жөнөтүү пландалууда.
