Ошто муктаж жарандарга жардам берем деп, 8 адамды алдап кеткен шектүү кармалды. Бул тууралуу Ош ШИИБден билдиришти.
Шаардык милицияга Ош облусунун Кара-Суу районунун 1986-жылы туулган тургуну арыз менен кайрылган. Арызында 29-январь күнү ТикТок социалдык тармак аркылуу “Бобур” аттуу бала, “кыйналган муктаж адамдарга жардам берем” деп жарнама чыгарган. Ошол жарнамага пикир калтырган. Катталуучу ага жазып, номерин сурап, видео аркылуу чалып, “кайрымдуулук кылып журөм, сизге жардам берем” деп тиркемени көчүрүүнү айтып, көчүргөн соң анын атынан 65 миң сом насыя алып койгондугун билдирген.
Ушундай эле арыз менен “Бобур” аттуу шектүүнүн үстүнөн 8 жаран арыз жазган. Шектүү катары 2000-жылы туулган Ош облусунун тургуну аныкталып, тергөөгө камсыздалды. Тергөө иштери уланууда.
