Ош шаарында оор жүк ташуучу унаа оодарылып, 3 баланы басып калган. Маалыматты ӨКМден билдиришти.
Алдын ала маалымат боюнча Ош шаарынын Касымбеков көчөсүндө HOWO үлгүсүндөгү оор жүк ташуучу унаа жолдон чыгып, оодарылып адамдарды басып калган. Кырсыктан 3 бала каза болду. Балдардын аты-жөнү такталууда.
Жеринде Ош шаардык куткаруу кызматынан 4 куткаруучу иш алып барууда, кошумча Ош шаардык №13 ӨКБдан 5 куткаруучу тартылды. Мындан сырткары кырсык катталган жерге ИИМ, Тез жардам кызматы тартылган.
