«Сиз акыркы жолу СИЗО-1ге качан бардыңыз эле?» деп суроо салды Акылбек Жапаровго депутат Сеид Атамбаев.
«Ал жерде болгон эмесмин. Кудай сактасын, барбайм», — деди Жапаров.
«Мен тамалашап сураган жокмун. Камактагылардын көбү, өзгөчө аялдар чиновниктер келип, баарын өз көзү менен көрүүнү суранышат. Кеп жада калса шартта эмес, бир камерада канча адам отурганында», — деди депутат.
Акылбек Жапаров Акыйкатчы менен прокурорлорду СИЗО-1ге барып көрүүнү суранарын убада кылды. «Биздин пландарыбыз бул мекемелердин баарын шаардын сыртына алып чыгып, эл аралык стандарттарга ылайык жаңы имараттарды куруу. Бишкек, Каракол жана Жалал-Абад сыяктуу ири шаарлардагы бардык СИЗО жана түрмөлөр конуштардан чыгарылат», — деди Министрлер кабинетинин башчысы.