Төрага Нурланбек Шакиев Монголиянын Улуу Мамлекеттик Хуралынын төрагасы Гомбожавын Занданшатар менен жолугушту.
Алгач эки парламенттин төрагалары ардактуу кароол тизилген аянтта учурашып, андан соң Чыңгыз хандын эстелигине таазим кылышты. Ошондой эле Нурланбек Шакиев Ардактуу коноктор китебине каалоо-тилегин жазып калтырды. Жолугушуу кеңири курамда уланып, анда эки өлкө ортосундагы саясий-экономикалык, маданий-гуманитардык алакаларды арттыруу, парламенттер аралык кызматташтыкты кеңейтүү маселелери талкууланды.
Нурланбек Шакиев кыргыз тилинде саламдашып, жылуу кабыл алгандыгы үчүн Улуу Мамлекеттик Хуралдын төрагасы Гомбожавын Занданшатарга ыраазычылык билдирди. Ошондой эле Кыргызстан менен Монголияны Алтай цивилизациясы жана эзелтен калыптанган тарыхый байланыштар жакындатып турарын белгилеген Нурланбек Шакиев: «Акыркы жылдары кызматташтыгыбыз жигердүү өнүгүп келет. Кыргызстандын өлкө башчысы өткөн жылы Монголияга расмий иш сапары менен келип, мамлекеттер аралык мамилени арттырууга багытталган келишимдерге жетишилген. Айрыкча Улан-Батордо Кыргыз Республикасынын элчилигинин ачылышы, бардык тармактар боюнча кызматташтыкты кеңейтүүгө көмөкчү болууда», — деди.
Муну менен катар ушул жылдын февраль айында Улуу Мамлекеттик Хуралдын төрагасы Кыргызстанга жасаган расмий сапары ийгиликтүү болгонун эске салган төрага анда да алакаларды арттыруу багытында алгылыктуу кадамдар жасалганын кошумчалады. Андан тышкары, соода-экономикалык байланыштар тууралуу да айтылып: «Кыргыз тарап тоо-кен өнөр жайы, мал чарбачылыгы, ветеринардык жана фитосанитардык коопсуздук, айыл чарба продукциясын кайра иштетүү жаатындагы экономикалык кызматташтыкты күчөтүү маанилүү деп эсептейбиз. Айрыкча биз Монголияга Кыргызстанда өндүрүлгөн таза экологиялык айыл чарба азыктарын экспорттоого кызыкдарбыз. Бул үчүн транспорттук-логистикалык көйгөйлөрдү чечүүбүз кажет», – деди Нурланбек Шакиев.
Ошондой эле маданий байланыштар тууралуу да сөз кылган төрага Манас баатырдын эстелигин Улан-Батордогу көчөлөрдүн бирине ыйгарууну жана айкелин тургузууну сунуштады. Өз кезегинде Монголиянын Улуу Мамлекеттик Хуралынын төрагасы Гомбожавын Занданшатар чакырууну кабыл алып келгендиги үчүн Жогорку Кеңештин төрагасы Нурланбек Шакиевге ыраазычылык билдирип, кыргыз-монгол мамилелерине байланышкан маселелерге токтолду.
Азаматсын, Нурлан мырза! Олкобуз гулдоп, онуксуе!
Мамлекетибиздин Парламентинин спикери Нурлан мырзанын Монголиянын Улуу Мамлекеттик Хуралынын төрагасы менен жолугушуусу, экономикалык, маданий кызматташтыкты кеңейтүү сүйлөшүүлөрү бүгүнкү күндө керектүү жана маанилүү маселе. Кыргызстаныбыздын эл аралык аренадагы орду жогорулай берсин. Ийгиликтер болсун!
Урматтуу Нурлан Тургунбекович, иш сапарыныз жемиштуу болсун! Эл аралык мамилелердин бекемделиши олкобуз учун чон пайда алып келет. Сиз баштаган Кыргыз парламенти олкобуздун экономикалык абалын жогорулатуу учун чон салым кошууда. Ийгиликтер болсун!
КР Жогорку Кеңешинин Төрагасы Н.Т. Шакиев өлкөбүздүн анык патриот инсаны. Мыкты иштеп жатат. Монголияга барганда да жүйөлүү сунуштарын айтты. Айрыкча, эки өлкөнүн кызматташуусуна токтолгону, транспорттук-логистикалык көйгөлөр тууралуу айткандары туура! Ишине ийгиликтерди каалайьыз!
Кыргыз мамлекетибиздин Парламентинин спикери Нурлан Тургунбекович мыкты иштерди алып барып атат, бул иш сапарынызда дагы маанилүү маселер айтылыптыр.
КР өнүгүп, өсө берсин!
Кыргыз Республикасынын Жогорку кеңешинин спикери Нурланбек Шакиев расмий иш сапары байсалдуу болсун, Кыргызстан менен Монголия мамлекеттер аралык мамилени арттырууга багытталган келишимдер ишке ашсын! Ийгиликтерди калайбыз!
Урматтуу Нурланбек Тургунбекович,
Иш сапарыныз байсалдуу болсун!
Учурдагы парламенттин жүргүзүп жаткан иштеринде жаңычылдык, ачык-айкындуулук , эл аралык деңгээлдеги аброю, орду сөз кылууга арзууда. Төраганын жетик көз карашы, так, туруктуу позициясы, саясий чечимдерде күчтүү эрки, өлкөнүн туруктуу өнүгүшүнө керектүү көптөгөн мыйзамдарды кабыл алууда чечкиндүүлүгү, принциптүүлүгү ачык көрүнүүдө.
Монгол Элдик Республикасы менен Кыргызстандын достук алакасын жакшыртууга парламентаризмдин кошкон салымы жана аны мындан ары бекемдөөгө ишеничтүү кадамдар болуп жатканы кубанычтуу. Достук маимлелер тынчтык жолунда улана берсин,! Ишиңизге албан ийгиликтерди каалайм, урматтуу төрага, Нурланбек мырза,!