«Эл үчүн жылдыз болсо, уулу үчүн кадимки ата!» Футболчу Марсело Виейранын футбол талааны тазалаганы алкышка арзыды

«Реал Мадрид» футбол клубунун коргоочусу Марсело Виейра уулунун футбол оюнун көрүүгө келген. Катуу жааган жаандан талаа суу болуп калгандыктан, футбол жылдызы отуруп калбай башка аталар менен тең тайлашып талааны тазалашкан. Анын жөнөкөйлүк сапатына социалдык тармактын колдонуучулары баа берип, «эл үчүн жылдыз болсо, баласы  үчүн жөнөкөй, кадимки ата», «азамат, ата деген ушундай болуш керек» деген таризде комментарий калтырышууда.