Кыргызстандын волейбол боюнча кыздар арасында курама командасы (U-20) Мальдив аралдарынын Мале шаарында өткөн Борбор-Азиялык волейбол ассоциациясынын (CAVA) чемпионатында 1-орунду ээледи.

Аталган мелдеште 4 өлкөнүн курама командалары бири-бири менен айлампа түрүндө беттеш өткөрүштү.

Кыргызстандык спортчулар биринчи айлампада Мальдив аралдарынын командасын 3:0 эсебинде, экинчи айлампада Непал өлкөсүн 3:0 эсебинде артта калтырды. Үчүнчү айлампада Шри-Ланканын курама командасына 2:3 эсебинде жеңилип, жарым финалда экинчи ирет Непалдын командасын 3:0 эсебинде жеңди. Ал эми биринчи орун үчүн беттеште кайрадан Шри-Ланканын командасын менен кез келип, жыйынтыгында 3:0 эсебинде утуп мелдештин жеңүүчүсү аталды.

Мыкты чабуулчу — Роза Расулбек кызы;

Мыкты байланыштыруучу — Алия Керезова;

Мыкты тосмочу — Сайкал Амиракулова;

Мыкты диагональ чабуулчу — Айтурган Айтбекова;

Турнирдин эң баалуу оюнчусу — Роза Расулбек кызы.

Курама команданы башкы машыктыруучу Курсантбек Уланбек уулу жетектеп мелдешке катышты.