Социалдык тармактарда популярдуу болуп жаткан видеодогу 7 жаштагы бала тууралуу Tengri Life жазды.

Буга чейин интернетте кичинекей эгиз карындаштарына өзүн коргоону үйрөткөн баланын видеосу тараган. Видео 3,5 миллион көрүү топтогон. Бала карындаштарын карап, китеп окуп берүүнүн ордуна аларды өзүн коргоого үйрөтүп баштаган.

Видеонун автору, 32 жаштагы 5 баланын энеси, Казакстандагы Актөбеде жашаган Адия видеонун жаралуу тарыхын айтып берген. Анын айтымында, кыздарга уулунан «Эне тили» китебин окуп берүүсүн суранган. «Күн сайын улуу балдар кичүүлөрүнө 15-20 мүнөт китеп окуп беришет. Бирок бул жолу баары пландагыдай болгон жок. Көрүп тургандай, 3 айлык бир туугандарына өзүн кантип коргоо керектигин түшүндүрүп баштаган», — дейт апасы.

Видеодогу баланын аты Эрсултан. Ал жаш экенине карабай шахмат, футбол жана карате менен машыгат. «Анын карындаштарына мындай адаттан тыш “сабак” өтүшүнө анын карате менен машыгуусу түрткү болгон окшойт», — деди апасы.

Соцтармак колдонуучулары «Мындай болбойт деп түшүндүрүү керек, кыздардын үстүнө кулап кетсе, эмне болот?» деп жазышкан. Буга апасы: «Ооба, ошол жерден эле баарын түшүндүрдүм»,- деп жазган.