COVID-19 пандемиясынын учурунда адамдардын мээси тез картайган. Бул адам коронавирус менен ооруганбы же жокпу маанилүү эмес. Британиялык окумуштуулардын ишинин жыйынтыгы Nature Communications журналында жарыяланды.
Окумуштуулар UK Biobank долбоорунун маалыматтарын колдонушкан. Анда пандемия башталганга чейин чогултулган 15 миңден ашык дени сак катышуучулардын мээсинин МРТ-сканерлери камтылган.
COVID-19дун мээге тийгизген таасирин баалоо үчүн алар болжол менен 2-3 жыл аралыкта эки сканерден өткөн 996 адамдан турган өзүнчө топту карашты. Булардын арасынан 564 адам кайра МРТ өтүп беришкен. Калган 432 адамда пандемияга чейин жана 2021-2022-жылдары тартылган скан болгон. Бул мээдеги өзгөрүүлөрдү салыштырууга мүмкүндүк берген.
Натыйжалар көрсөткөндөй, пандемия башталгандан кийин сканерден өткөн катышуучулардын мээси COVID-19га чейин сканерленгендерге караганда орто эсеп менен 5,5 айга тезирээк карыган. Бул пандемиянын өзү мээнин биологиялык картаюусун тездеткенин билдирет.
Изилдөөнүн башкы авторлорунун биринин айтымында, бул мээнин саламаттыгына вирус жана оору гана эмес, ошондой эле стресс, социалдык обочолонуу, экономикалык кыйынчылыктар жана пандемия учурундагы күнүмдүк жашоонун башка аспектилери сыяктуу факторлордун кеңири спектри таасир этет.
