1988-жылы Фрунзе спорт сарайынын залы көрүүчүлөргө жык толгон. Отурууга тепкичтерде да бош орун жок болчу. Себеби дал ошол күнү борбордо «Фрунзе сулуусу» сынагы өтүп жаткан. Ошол эле учурда, көшөгө артында кыздардын толкунданып жатканын көрүүгө болот эле. Сулууларга бир нече сыноодон өтүүгө туура келген. Алардын эң корккону — купальникчен мода көрсөтүү болчу.
Бүгүнкү күндө «Кыргызстан сулуусу» наамы үчүн сынактар жылына эки жолу өткөрүлүп, алардын сулуулары ар бир шаарда, университетте, ал тургай мектепте тандалып алынууда.
