Учурдун хитмейкери аталган ырчы Эрлан Андашев сентябрь айында Бишкекке келип жеке концертин берүүнү пландоодо. Ырчы мырза 10 жылдан кийин мекенине келген сапары тууралуу СЕРЕП МЕДИА маалымат агенттигине төмөнкүлөрдү билдирди.
— Буюрса, жакынкы аралыкта Кыргызстанга үй-бүлөм менен барам. Эл, күйөрмандарым ошончо келгенден кийин концерт коюп кет деп суранышканынан 23-24-сентябрда Бишкектеги Спорт Ордосунда жеке концертимди берүүнү чечтим. Концертти өткөрүүгө жардам берем, уюштурам дегендер болуп жатат. Алар менен сүйлөшүп, кеңешип, башкача, жогорку деңгээлдеги концерт уюштурайын деп жатабыз«, — дейт Эрлан Андашев.
