Коомдук ишмер, алып баруучу Ассоль Молдокматова жакында турмушка чыга турганын жарыялады. Бул тууралуу ал социалдык тармактагы баракчасына жазды.
“Биз бактылуубуз. Болочоктогу жолдошум Бекназар Жамангараев экөөбүздүн сүйүүбүз, үмүтүбүз чоң. Жакында той”, — деп жазды ал.
Ал эми анын сүйүктүүсү да социалдык тармактагы баракчасына: “Мен жана сүйүктүүм Ассоль Молдокматова. Биз бактылуубуз, сүйүүгө, кыял-үмүттөргө толуп турабыз. Биздин сүйүүбүз баарын жеңерине ишенем!” — деп жазган.
Кошумчалай кетсек, кечээтен бери социалдык тармактын колдонуучулары арасында Ассоль Молдокматованын мурунку жолдошу, спортчу Алмазбек Раимкуловдун алып баруучу тууралуу айткан сөзү талкууга алынып жаткан.
