«Бейишим – ата-энем” долбоорунун кезектеги коноктору Кыргыз Республикасынын Эмгек сиңирген артисти Самара Каримова менен апасы Разия Шарипова болду. Алар эне менен кыздын ортосундагы мамиле, бири-бирине болгон байланыш, сезимдери тууралуу айтып беришти.
«Самара кыздарымдын эң кенжеси. Кызым төрөлгөндө эле башкача төрөлдү. Атасы аябай күтүп, Самарканд шаарына жөнөт жаткан. «Самаркандга жетпей калдым деп кызымдын атын Самара коём» деп койгон. Атасы Самара жарык дүйнөгө келгенде аябай сүйүндү. Жогорку окуу жайга баргыча «мен өзүм төрөп алгам» деп жүрдү», — дейт апасы.
