Алгач актёр катары таанылып, кийин режиссёрлук жаатта жигердүү эмгектенип келе жаткан достор Сапар Сайназаров менен Болотбек Тилек достугу тууралуу маек курушту. 17 жылдан бери достук мамиледе келе жаткан мырзалар бири-биринин сырларын ачыкташты.
«Жакын дос экенибизди көптөр билет. Мен кайсы жакка барбайын сөзсүз Болотту менден сурашат. 2006-жылы таанышып, дос болуп калганбыз», — деди Сайназаров.
«Сапар ошол эле бойдон. Үйлөнгөнү эле болбосо, ошол эле Сапар. Мындайча айтканда, болуп кеткен жок», — деди Болотбек Тилек.
