Манасчы Дөөлөт Сыдыков менен жубайы Ырыс Окенова өткөн жылдын май айында өлкөдөн чыгып кетишкен. Алар учурда балдары менен Орусиянын Москва шаарында турушат. Биз Жаңы жыл алдында Сыдыковдордун үй-бүлөсү менен маектешип келдик.
«Биринчи Түркияга чыгып кеткенбиз. Ал жерден да бул жакка кетүүгө туура келди. Учурда чыгармачылык менен алектенип келе жатабыз», — деди Сыдыков.
«Болуп өткөн окуядан кийин биздин үй-бүлөгө көп асылуулар болду. Биздин жекеликке чейин киришти. Дөөлөттүн тандоосуна чейин асылышты. Бул туура эмес. Мен бактылуумун. Ошого Дөөлөткө ырахмат. Биздин сонун балдарыбыз бар», — деди ал.
