Аксана Ташматова 11 баланын энеси. Ал Бишкектин четиндеги жаңы конуштардын биринде таштанды полигонунун айланасында жашайт. Ичи-тышы шыбалбаган, сыз тарткан тар үйдө балдары менен күн кечирген каарманыбыздын баянын уктук. “Эки бөлмөгө баарыбыз батып алабыз. Жолдошум унаа токтотуп иштейт. Балдар биринин кийимин бири кийип чоңоюп жатышат” дейт ал.
Жардам берүүнү каалагандар үчүн реквизиттер: МБанк: 0500 40 22 88
СБЕРБАНК: +7 980 3951721, 5228 6005 9319 8155 (Улукбек)
«Эң кичүү балама 3 ай болду. Азыр 3 балам мектепте окуйт. Калганы үйдө. Айына 1 кап ун алабыз. 30 килограммдай кесме, 5 килограмм күрүч алабыз. Анда-санда күрүч басып жейбиз. 2 кап картошка колдонобуз, анткени балдарым жакшы көрөт. Биринин кийимин бири киет. Эң улуу балам 27де, экинчи уулум 25те өзүнүн да, келининин да майыптыгы бар. Алар өзүнчө жашашат. Келгенде жардам берип калам. Макарон менен эле тирилик кылып калдык. Ошого да шүгүр. Орозодо эт алып келишкен, ошону жеп жатабыз. Жолдошумдун тапканы 11 балага жетпейт.
Кичүү уулумдун аты — Камчыбек. Камчыбек Ташиевдин атынан койгонбуз. Ал кишини жакшы көрөбүз. Ташиевдей эл адамы болсун деп 11-балабыздын атын Камчыбек койдук”, — деди ал.
