Соцтармак колдонуучусу Анвар Яхизов бир түндө 30 тонна балык кырылып калганын айтып чыкты. Окуя Ысык-Атадагы Новое көлүндө болгон.
«Спутник басылмасы» Балык чарба департаменти маалыматты тастыктап, адистер жерине барганын кабарлады.
“Суу Новое көлүнө Чоң Чүй каналынан кирчү, канал жабылган соң суу башка булактан кириптир. Андан кийин эле балыктар өлө баштаган. Суу андан ары айылга кирип кетет экен”, — деди департамент директорунун орун басары Нурзамат Акпаралы уулу. Ал көрүнүш бир эле көлдө болуп жаткандыктан илдет же экологиялык кооптуулук жок экенин кошумчалады. “Суу ууланышы мүмкүн деген божомолдор болууда. Бирок бул божомол эле. Суунун жана балыктын үлгүсүн Санэпидге жана Веткызматка бердик. Экспертизанын жыйынтыгы менен так маалымат берилет”, — деген ал.
Посмотреть эту публикацию в Instagram
