Президент Садыр Жапаров кечээ, 15-ноябрда Ош облусуна болгон жумушчу сапарынын жүрүшүндө Кара-Суу районундагы “Евро Азия Групп” индустриалдык-логистикалык борборун ишке киргизүү аземине катышты.
Жалпы суммасы 40 миллион долларды түзгөн долбоор жеке инвестициялардын жана фонддор менен банктардын колдоосунун негизинде ишке ашырылды. Борбор тигүү буюмдарын чыгарууга адистешкен жана долбоордук кубаттуулугу жылына 1 миллион бирдикти түзөт. Муну менен 600 жаңы жумуш орундары түзүлөт. Садыр Жапаров өндүрүш менен таанышып, индустриалдык-логистикалык комплекстин ачылышы региондун өнөр жайын жана инфраструктурасын өнүктүрүүдө маанилүү кадам болуп, экономикалык кызматташтыкты чыңдоо жана Кыргыз Республикасынын экспорттук потенциалын кеңейтүү үчүн жагымдуу шарттарды түзөөрүн белгиледи.
