мурда башкы прокурор болуп иштеп жатканда депутаттын атасы Карганбек Самаковго каршы кылмыш иши козголгонун айтып өткөн.
«Башкы прокурор болуп турганда атасы Карганбек Самаковго тийиштүү кылмыш иши тергелип баштаган. Парламенттин трибунасын жеке кызыкчылыкка колдонгону дурус эмес. Орозо айынын алдында жооп кайтарганды туура көрбөдүм», — деп жазган Салянова.
Буга чейин эл өкүлү Кубанычбек Самаков Жогорку Кеңеште башкы прокурордун орун басары Үмүткан Конкубаевадан 2013-жылы Азиз Батукаевди жаза өтөө мөөнөтү бүтө электе бошотуу иши боюнча канча киши жоопко тартылганын, анын ичинде ошол кездеги башкы прокурор Аида Салянованын иши боюнча сураган эле. Үмүткан Конкубаева ал иш боюнча тиешеси бар бардык кызматкерлер жазасын алганын билдирген. Кубанычбек Самаков башкы прокурордун орун басарынан маалымат жашыруун болбосо кат түрүндө жооп күтөрүн кошумчалаган.
