Биринчи айым Айгүл Жапарова 20-апрелде “Санарип көндүмдөрү баары үчүн: жаңы жүздөр” эл аралык форумуна катышты.
Форум санариптик доордо бирдей мүмкүнчүлүктөр тууралуу ачык диалог аянтчасы болуп калды. Анын максаты — санариптештирүү кандайча туруктуу өнүгүүнүн кыймылдаткычы катары кызмат кыла аларын көрсөтүү, Борбор Азиядагы аялдар менен жаштардын мүмкүнчүлүктөрүн кеңейтүү.
Иш-чарага жасалма интеллект, санариптик каржылоо, STEM билим берүү, ишкердик жана киберкоопсуздук тармагындагы адистер катышты.
Катышуучуларга Кыргызстан, Казакстан, Өзбекстан, Тажикстан, Түркмөнстан, Азербайжан жана Орусиядан келген эксперттердин жана пикир лидерлеринин шыктандыруучу баяндамалары, ошондой эле санариптик сабаттуулуктан баштап, күнүмдүк жашоодо колдонууга чейин бардык темалар боюнча панелдик талкуулар жана практикалык мастер-класстар тартууланды.
