УКМК төрагасы Камчыбек Ташиев студенттерге кайрылып, акча чогултуп, мугалимге бергенди токтотууну талап кылды.
«Акча чогултканды токтоткула. Акчаны жакшы окугандар, группанын башчылары чогултат. Алардын акча чогултуп, мугалимге бергени тууралуу маалымат бар. Мен баарын билем. Мени эч ким алдай албайт. Өзүңөрдөн баштагыла, акча чогултпагыла! Муну башка студенттерге да айтып баргыла. Мен да студент болгом, мен чогултчу эмесмин, себеби Орусияда окугам. Эгер буга чейин чогултуп келген болсоңор, токтоткула», — деди төрага.
