Алайда айылдагы мектепти жаап салышкандыктан, балдар чоң жолду бойлой, 5 чакырым жөө барып окуп жатышат. Мындай билдирүү менен бүгүн, 29-январда Эрнис Айдаралиев Жогорку Кеңештин жыйынында чыкты.
Анын айтымында, Алай районундагы Үч-Дөбө айыл аймагынын Көлдүк айылында №50-башталгыч класстар үчүн мектепти жаап коюшкандыктан балдар кыштын күнү кыйналып жатышат.
Депутат: «Аны Чий-Талаа айылындагы Абдыжапаров атындагы мектепке кошуп коюшкан. Экөөнүн ортосу 5 чакырым. Ал жерде «Ош — Эркеч-Там» чоң жолу бар. Ал каттам абдан кооптуу, күнүнө 2000-3000ден фура катуу ылдамдыкта өтүшөт. №50 мектепти өз ордунда калтырса», — деп президенттин жана Министрлер кабинетинин парламенттеги өкүлү Алмасбек Абытовго кайрылды.
