2024-жылдын 6-июль күнү саат 13:30 чамасында Аламүдүн районунун Татыр айылынын тушунда жайгашкан Flyjump спорттук комплексинде жардан секирүү учурунда аркан үзүлүп кетип, 1985-жылы туулган жаран ошол жерде каза болгон. Бул факты боюнча Кылмыш кодексинин 297-беренесинде (керектөөчүлөргө кооптуулук жаратуу) каралган кылмыштын белгилери боюнча кылмыш иши козголуп, кылмышка шектелип 1996-жылы туулган Flyjump спорттук комплексинин кожоюну кармалган. Сот спорттук комплексинин ээсине козголгон кылмыш ишин токтотту. Бул тууралуу бүгүн, 15-апрелде Жогорку Соттон билдиришти. Маалыматка караганда, 2024-жылдын 26-августунда Аламүдүн райондук сотунун чечими менен Кылмыш жаза кодексинин 297-беренеси (керектөөчүлөр үчүн коркунуч түзүү, этиятсыздыктан оор залал келтирүү) менен айыпталып жаткан жарандын иши токтотулду. Жазык кодексинин 27-беренесинин 1-бөлүгүнүн 13-пунктунун негизинде жабырлануучунун мыйзамдуу өкүлү ачык айыптоодон баш тарткандыгына жана кылмыш жоопкерчилигинен бошотулгандыгына байланыштуу токтотулган.