17-марттагы Жогорку Кеңештин комитет жыйынында «Кыргызфармация» ишканасынын жетекчисинин милдетин аткаруучу Наргиза Тохтасинова омуртка булчуң атрофиясы (СМА) менен жабыркап, «Золгенсма» дарысын алган Аруузатка дары жардам бербегенин айткан.
Бүгүн, 23-июндагы комитет жыйынында депутат Илимбек Кубанычбеков Саламаттыкты сактоо министринин орун басары Каарманбек Байдавлетовдон элди адаштырган кызматкерге чара көрбүлдүбү же жокпу сурады.
«Тиешелүү иштер жүргүзүлүп жатат, жыйынтыгы кийинчерээк белгилүү болот»,- деп жооп берди Саламаттыкты сактоо министринин орун басары.
«3-4 ай болду. Жыйынтыктарды чыгаруу үчүн бир жыл керекпи?»,- деп депутат нааразылыгын билдирди.
Наргиза Тохтасинова «Золгенсма» сайышкан. Сайгандан кийин дары жардам бербеген себептен «Рисдиплам» дарысына өтүшкөн. Азыркы учурда Аруузат «Рисдиплам» менен өзүн жакшы сезип келе жатат», — деген.
«Кыргызфармация» ишканасынын жетекчисинин милдетин аткаруучусунун жогоруда айткан сөзү боюнча Аруузаттын апасы үн катып, жалган маалымат экенин билдирген. Дал ошол учурда Кыргызстанда СМА менен ооруган 3 бөбөккө аталган уколго акча чогултулуп жаткан.
