Бишкекте көчөдө колу байлануу жигитти сабаган анын атасы экендиги белгилүү болду. Укук коргоо органдарынын маалыматына ылайык, анын апасынын айтымында баласынын ден соолугуна байланыштуу үй-бүлө ичинде жаңжал болуп келген.
Видеодо кайгуул кызматкерлери окуяга көңүл бурбай өтүп кеткенин да көрүүгө болот.
Ата-эне баласын бир нече жолу ооруканага жаткырууга аракет кылып, бирок жигит кескин түрдө каршылык көрсөтүп жүргөнү аныкталган.
Милиция бул үй-бүлөнүн ички иши экенин эске алып, башка маалымат бербей турганын кошумчалады.
