Балыкчы-Кочкор темир жолун куруу долбоорунун алкагында Кубакы ашуусунун бурулушка чейинки бөлүгү курулуп жаткан темир жолдун жардыруу иштерине байланыштуу жабылат. Бул тууралуу «Кыргыз темир жолу» мамлекеттик мекемеси билдирди.
Маалыматка ылайык, унаа жол 5-марттан 5-майга чейин, дүйшөмбү, шаршемби, жума күндөрү саат 08:00дөн 17:30га чейин жабылат. «Айдоочуларды жана жүргүнчүлөрдү бул маалыматты эске алып, алдын ала альтернативдүү жолдорду пландаштырууга чакырабыз», — дейт «Кыргыз темир жолу» мекемеси.
