Бүгүн, 23-мартта Бишкек шаарынын мэринин орун басары Нургазы Курманбековдун төрагалыгы алдында жылытуу мезгилин аяктоо маселеси боюнча штаб жыйыны болуп өттү.
Жыйынга муниципалдык ишканалардын өкүлдөрү, Кыргызгидромет, Бишкек шаарынын мэриясынын билим берүү департаменти, «НЭСК» ААКнын Бишкек ПЭС филиалы, ошондой эле Бишкек шаарынын МСЭКБ өкүлдөрү катышты. Жыйындын жыйынтыгында 25-мартта жылытуу мезгилин аяктоо чечими кабыл алынды. Мындан тышкары, 2026-жылдын 1-апрелинен 10-майына чейин профилактикалык жана оңдоо иштерин жүргүзүү үчүн ысык суу берүү убактылуу токтотулат.
Белгиленгендей, күз-кыш мезгилинин жүрүшүндө бардык кызматтар күчөтүлгөн тартипте иштеп, керектөөчүлөрдү үзгүлтүксүз жылуулук менен камсыз кылышты. Жылытуу мезгили аяктагандан кийин муниципалдык кызматтар кийинки жылытуу сезонуна даярдык иштерин башташат, анын ичинде оңдоо жана профилактикалык иштер жүргүзүлөт.
