Бишкекке 12 метрдик ISUZU үлгүсүндөгү жаңы автобустардын үчүнчү партиясы келди.
Табигый газ менен жүрүүчү 43 жүргүнчү ташуучу автобустар Түркиядан алынып келинди.
Үч эшиктүү 12 метрдик автобустар 85 жүргүнчүгө ылайыкталган. Ден соолугунан мүмкүнчүлүгү чектелген жарандар үчүн атайын пандустар коюлган. Кош бойлуу аялдар жана кары-картаңдар үчүн атайын орундуктар каралган.
«Жүргүнчүлөрдүн ыңгайлуулулугуна жооп берген жабдыктар — камера, аба муздаткыч, телефондорду кубаттоочу жай менен жабдылган», — деп билдирет мэриядан.
Ушундай автобустардын дагы 25и жакынкы күндөрү келүүсү күтүлүүдө.
