Бишкекте онлайн казинолорду жана веб-сайттарды уюштуруп, жайылткан шектүүлөр кармалды. Бул тууралуу Бишкек ШИИБден билдиришти.
Интернетке мониторинг жүргүзүү учурунда, Кыргыз Республикасынын аймагында веб-сайттарды уюштуруп, дебеттик карталарды сатып алып, мобилдик тиркеме аркылуу онлайн кабинетти туташтырып, онлайн казиного кирүүгө мүмкүнчүлүктөрдү түзгөн, ошону менен бирге Телеграм-канал аркылуу сатып алган, Кыргыз Республикасынын жарандарынын наамына катталган электрондук капчыктар аркылуу төлөмдөрдү жүргүзүп жүргөн белгисиз адамдар тууралуу маалыматтарды аныкташкан.
Бул факты боюнча Кылмыш-жаза кодексинин 219-беренесине (кумар оюндарын өткөрүү үчүн притонду уюштуруу же кармоо, кумар оюндарын өткөрүү) ылайык кылмыш иши козголгон.
Шектүү катары 2003-жылы туулган Б.Э., 2004-жылы туулган Н.К., 2004-жылы туулган Р.Н., аттуу шектүүлөр кармалып, убактылуу кармоочу жайга киргизилген. Шектүүлөрдүн жашаган жерин тинтүү иш-чараларын жүргүзүү учурунда, 66 банктык карта, 30 уюлдук телефон, 4 ноутбук жана 45 колдонулган сим-карталар табылган.
This is a modal window.
